Friday, May 29, 2015

0
MAUAJI YA KINYAMA BUKOBA, WAWILI WAUAWA NA KUNYOFOLEWA PUA


Kijana Joseph Gabriel anayefanya vibarua mbalimbali vya kujiingizia kipato amekutwa amekufa baada ya kukatwa na kitu chenye ncha kali na huku sehemu ya pua ikiwa imeondolewa sambamba na sehemu ya shavu lake la kushoto.

  1. Name:  MWENYE 2.jpg
Views: 0
Size:  61.7 KB

  2. Mwili wa Joseph Gabriel ukiwa barabarani kusubiri jeshi la polisi waje kuuondoa

  3. Mauaji haya ya kutisha yametokea katika maeneo ya kata Karabagaine katika kijiji cha Kitwe.Polisi pia walichelewa kufika eneo la tukio kutokana na kuwa katika eneo jingine ambako pia kulikuwa na tukio jingine la kutisha kama hili lilitokea siku moja kabla ya hili.

  4. Mwanamke mmoja ambaye jina halikuweza kufahamika mara moja, amekutwa amekufa kwa kuchinjwa shingo na pua yake kuondolewa.Pua yake ilipatikana baadae karibu na eneo la tukio.Mama huyu amekutwa na mauti katika mtaa wa Kibeta kata ya Kibeta ambapo baadaye polisi waliweza kufika na kuchukua mwili wa marehemu.

  5. Name:  MWENYE 3.jpg
Views: 0
Size:  95.3 KB

  6. Mabaki ya damu baada ya mwili wa mwanamke kuondolewa na polisi

  7. Mwezi uliopita, polisi Kagera ilitoa taarifa kwa waandishi wa habari kuhusu mauaji ya manispaa ya Bukoba, ikieleza kuwashikilia watu kadhaa na kinara wa mauaji hayo, ambao majina yamehifadhiwa kwasababu za kiusalama, huku ikisema kuwa watu wawili waliuawa na polisi kwa kupigwa risasi, wakati wakiwapeleka kwenye maeneo wanakopangia uhalifu huko Bugabo halmashauri ya Bukoba.
chanzo:jamii forum

0
KUWENI MAKINI, ANGALIA NILICHOKIKUTA KWENYE BONGE LA GESTI MAARUFU HAPA MJINI

Sabuni ikiwa imekwisha muda wa matumizi toka mwaka jana lakini wateja wanasambaziwa kwenye vyumba vyao kama kawaida katika gesti moja mjini Ludewa.

0
JIONEE MAAJABU: BANGO LISILOENDANA NA BIASHARA INAYOLITANGAZA


0
JE NI MITI KIASI GANI IMETUMIKA KUTENGENEZA HII BIDHAA?


0
KWA MAISHA YA SASA JE HILI LINA UKWELI WOWOTE?


Thursday, May 28, 2015

0
SERIKALI YATANGAZA KIAMA KWA SHILOLE...NI KUHUSU PICHA CHAFU ZA UBELJIJI

Serikali imeahidi kumchukulia Shilole kufuatia kusambaa kwa picha zake chafu zilizopigwa wakati akitumbuiza nchini Ubelgiji.

Akizungumza bungeni Dodoma leo, Naibu Waziri wa Habari Vijana Utamaduni na Michezo, Juma Nkamia, wakati akijibu hoja za wabunge baada ya kusoma makadirio na matumizi wa wizara hiyo, alisema tayari serikali imeliagiza baraza la sanaa taifa BASATA kufanya naye mahojiano. 
nkamia-px
Naibu Waziri wa Habari Vijana Utamaduni na Michezo, Juma Nkamia 

“Tumemtaka ajieleze kupitia BASATA, akishajieleza serikali itachukua hatua na niombe mheshimiwa spika kupitia bunge lako tufuku, kuliomba radhi kwa upande wa serikali kwa kitendo kilichofanywa na mwanamuziki yule. Sio maadili yetu na nimesema akishajieleza serikali itachukua hatua yake,” alisema Juma Nkamia. 

0
ORIGINO KOMEDI WAKABIDHIWA MATREKTA YA KILIMO NA KAMPUNI YA FARM EQUIP TANZANIA JIJINI DAR LEO

Na Avila kakingo,Globu ya Jamii.
WAIGIZAJI wa kindi cha Origino Komedi  wamewaasa vijana kutumia vipaji vyao ili kutengeneza maisha yao kuwa  mazuri na sio kufikiri kuwa vijana wengi hushikwa mkono na mtu ili kufanikiwa.

Hayo yamesemwa na kundi la waigizaji wa Origino Komedi wakati wa kukabidhiwa Matrekta ya Kilimo aina ya Sonalika kutoka kampuni ya Farm Equip Tanzania jijini Dar es Salaam leo.

Mkurugenzi Mkuu Mtendaji wa kampuni ya Farm Equip Tanzania,Arif Sheink amesema kuwa  vijana  wameamua kufanya jambo la maana kwa jamii ,"kwani wamenunua matrekta kwa ajili ya kilimo,vijana wengi wamekuwa wakinunua magari ya kifahari  bila kujua kunakesho na keshokutwa kwa maendeleo yao",alisema Bwa Arif.

Nae Mkuu wa Wilaya ya Kinondoni, Paul Makonda amewapongeza vijana wa kundi hilo kuwa kufanya maamuzi sahihi na ya maendeleo kwa kununua Matrekta hayo kwaajili ya kilimo,amesema kuwa uamuzi wao ni mzuri hata kwa jamii kwani pia kwa namna moja ama nyingine itasaidia kuongeza ajira kwa vijana,kwakuwa kilimo kinahitaji watu wengine na sio wao wenyewe watakao weza kuendesha Matrekta hayo mashambani.

Kundi hilo la Origino Komedi  linaundwa na vijana 7 ambao ni Alex Chalamila(Mackregani),Josef Shamba(Vengu),Mjuni Sylivery(Mpoki,nyani Mzee),Lucacy Mhavile(Joti), Isaya Mwakilasa(Wakuvanga),Emmanuel Mgaya(Masanja mkandamizaji) na Davidi Seki.

 Waigizaji hao wameahidi kupoleka Matrekta yao kwenda kubeba takataka katika Wilaya ya Kinondoni ambapo Mkuu wa Wilaya ya Kinondoni, Paul Makonda atazindua  kampeni ya Ona aibu, ambayo itahamasisha usafi katika Wilaya ya Kinondoni.
 Mwigizaji wa Origino Komedi ,Mjuni Sylivery(Mpoki,nyani Mzee),akipewa maelekezo ya kuendesha Trekta mara Baada kukabidhiwa ufunguo wake na  Fundi Mkuu wa Kampuni ya Farm Equip Tanzania , Yunusu Nsekela wakati wa kukabidhiwa Matrekta kwaajili ya kilimo jijini Dar es Salaam leo
 Mwakilishi wa muigizaji Josef Shamba(Vengu),ambaye hakuweza kufika kupokea Trekta lake kwa sababu ya Maradhi yanayomsumbua akipokea ufunguo kutoka kwa  Mkurugenzi Mkuu Mtendaji wa kampuni ya Farm Equip Tanzania,Arif Sheink jijini Dar es Salaam leo.
 Mwakilishi wa muigizaji Josef Shamba(Vengu),ambaye hakuweza kufika kupokea Trekta lake kwa sababu ya Maradhi yanayomsumbua akipokea ufunguo kutoka kwa  Mkurugenzi Mkuu Mtendaji wa kampuni ya Farm Equip Tanzania,Arif Sheink jijini Dar es Salaam leo.
 Mkurugenzi Mkuu Mtendaji wa kampuni ya Farm Equip Tanzania,Arif Sheink  akisalimiana mara baada ya akimkabidhi ufungua wa Trekta lake Mwigizaji wa Origino Komed, Isaya Mwakilasa(Wakuvanga) jijini Dar es Salaam leo.
  Mwigizaji wa Origino Komedi ,Mjuni Sylivery(Mpoki,nyani Mzee) akishukuru kwa niaba ya waigizaji wa kundi la Origino Komedi  mara baada ya kukabidhiwa Funguo za Matrekta ya Kilimo jijini Dar es Salaam leo, kutoka kushoto ni Mkurugenzi Mkuu Mtendaji wa kampuni ya Farm Equip Tanzania,Arif Sheink,Isaya Mwakilasa(Wakuvanga ),Lucacy Mhavile(Joti) na kulia ni Alex Chalamila(Mackregani).
  Mkurugenzi Mkuu Mtendaji wa kampuni ya Farm Equip Tanzania,Arif Sheink akizungumza na Vijana wa Kundi la Origino    Komedi mara baada ya kuwakabidhi funguo za Matrekta ya kilimo jijini Dar es Salaam leo.
 Mkurugenzi Mkuu Mtendaji wa kampuni ya Farm Equip Tanzania,Arif Sheink , katika picha ya pamoja waigizaji wa kundi la Origino  Komedi na nyuma yao ni Matrekta ambayo wamekabidhiwa leo jijini Dar es Salaam.
 Mkuu wa Wilaya ya Kinondoni, Paul Makonda akizungumza katika makabidhiano ya Matrekta ya Kilimo kati ya Mkurugenzi Mkuu Mtendaji wa kampuni ya Farm Equip Tanzania,Arif Sheink na Waigizaji wa kundi la Origino Komedi, leo jijini Dar es Salaam.
Baadhi ya Matrekta ya Kilimo ambayo waigizaji wa Kundi la Original Comedi wamekabidhiwa leo jijini Dar es Salaam. Picha na Avila Kakingo,Globu ya Jamii.

0
TEMEKE YAKABIDHI MWENGE WA UHURU WILAYA YA ILALA SHAMRASHAMRA ZAPAMBA MOTO

 Mkuu wa Wilaya ya Temeke, Sophia Mjema (kushoto), akimkabidhi Mwenge wa Uhuru Mkuu wa Wilaya ya Ilala, Raymond Mushi baada ya kumaliza mbio zake wilayani Temeke Dar es Salaam leo asubuhi. Mwenge huo umeanza mbio zake wilayani Ilala leo na kesho utakabidhiwa wilaya ya Kinondoni.
 Vijana wa hamasa wa wilaya ya Ilala wakishangilia katika hafla hiyo ya kukabidhiwa mwenge huo.
 Wananchi wakiwa kwenye hafla hiyo.
 Vijana wa hamasa wakiimba nyimbo mbalimbali za mwenge.
 Wasanii wakitoa burudani.
 Mwenge ukiwasiri Kata ya Ukonga tayari kwa kukimbizwa wilaya ya Ilala.
 Kijana wa Skauti, Abuu Selemani akimvika skafu Kiongozi wa Mbio za Mwenge Kitaifa, Juma Chum.
 Mkuu wa Wilaya ya Ilala, Raymond Mushi akiwa amebeba mwenge wa Uhuru kabla ya kuanza kukimbizwa katika wilaya yake.
Watoto wa halaiki wakiimba wimbo maalumu wa mwenge. (Imeandaliwa na mtandao wa www.habari za jamii.com)

0
MWANAFUNZI WA MIAKA 15 ABAKWA NA KUPEWA MIMBA, CHA AJABU WAZAZI WA MWANAFUNZI WASHIRIKI KUMFICHA MTUHUMIWA

Mwanafunzi wa kidato cha pili katika shule ya sekondari Kihanda wilaya ya Karagwe mkoani Kagera mwenye umri wa miaka 15 aliyetekwa nyara na kufichwa porini miezi mitatu amerejea nyumbani kwao akiwa mjamzito huku akiomba msaada kwa watendaji wa serikali wamdhibiti baba yake mzazi anayetaka kumuozesha kwa nguvu kwa lengo la kujipatia mahali ya shilingi milioni saba na Ng’ombe kumi wakidai kuwa amepoteza sifa za kuendelea na masomo.

Akizungumza binti huyo ameelezea jinsi alivyotekwa nyara akiwa njiani kwenda shule kujisomea masomo ya ziada.
 
Kwa upandewake kaka wa binti huyo Bw.Emmanuel John amebainisha ukweli wa mambo juu ya biashara haramu inayofanyika kumuozesha mdogo wake katika familia ya wafugaji inayodaiwa kusambaza fedha kwa njia za rushwa ili mtuhumiwa Bw.David Kapipi asikamatwe kwa kosa la kubaka na kusababisha ujauzito mwanafunzi wa kidato cha pili.
 
Baada ya majibu hayo chombo hiki kilifika nyumbani kwao mtuhumiwa Bw.David Kapipi mkazi wa kijiji cha Mabale wilaya ya Misenyi mkoani Kagera ambaye hakuwepo ila ndugu zake wakizungumza kwa mashariti ya kutopigwa picha walisema kuwa jambo hilo lipo kwenye mazungumzo ya wazazi wa pande zote mbili ambapo mzee Kapipi alipopigiwa simu ikawa hivi.
 
Akizunzumza kwa sharti la kutopigwa picha mkuu wa polisi wilaya ya Karagwe Bw.Mika Makanja amesema polisi inamtafuta mtuhumiwa na kusema kwamba waandishi watakapo muona mtuhumiwa waisaidie polisi kumkamata na umfikisha kituo cha polisi achukuliwe hatua za kisheria

Chanzo: ITV 

0
SUALA LA DKT MENGI KUTISHIWA KUUAWA LAIBUKA BUNGENI DODOMA

Kambi ya upinzani bungeni imeijua juu serikali kwa kitendo chake cha kushinikiza na kutumia ubabe wa kupitisha sheria ambazo ni kandamizi na zenye kubinya na kua uhuru wa vyombo vya habari hatua ambayo imesema inalenga kuliingiza taifa katika giza na kuondoa kabisa dhana ya uwazi ambayo serikali inaihubiri kila mara.

Akisoma hotuba ya kambi ya upinzani bungeni katika wizara ya habari utamaduni na michezo Mh Joseph Mbilinyi amesema inashangaza kuona kuwa inataka kujiingiza katika mgogoro waandishi wa habari bila ya kuwa na sababu yoyote ya msingi.
 
Aidha kambi ya upinzani imelaani kitendo cha kuwepo kwa vitisho vya kutaka kuuwawa kwa mmiliki wa kituo cha ITV Dk Reginalid Mengi kwa madai kuwa kituo chake kimekuwa kikitoa habari za uchochezi.
 
Awali akiwasilisha bajeti ya wizara ya habari utamaduni na michezo Mh Dk Fenella Mukangara amesema wizara yake itawasilisha muswada wa sheria ya huduma za habari ambapo ukipita utasaidia kuweka misingi imara katika sekta ya habari.
 
Lazaro Nyalandu ni waziri wa maliasili na utalii ambaye naye amewasilisha bajeti yake nakubainisha mipango mbalimbali yakiwemo   namna ya kupambana na ujangili.
 
Kwa upande waziri kivuli wa wizara hiyo mchungaji Peter Msigwa ameitaka serikali kuteketeza shehena ya pembe za ndovu ambazo imezikamata ili kuipunguzia serikali mzigo wa gharama wa kutunza pembe hizo.

0
UMEIPATA HII YA HAWA WAZEE "WANAOCHIMBA DAWA" PORINI NA UMRI HUU

Baada ya wazee wanaoishi katika kituo cha makazi ya wazee wasiojiweza cha Kolandoto manispaa ya shinyanga kulalamika kwa muda mrefu kutokana na tatizo sugu la ukosefu wa choo na kulazimika kutembea umbali mrefu kutafuta huduma hiyo vichakani hatimaye tatizo hilo limepatiwa ufumbuzi kwa kujengewa choo na taasisi ya EASY FLEX.

Akitoa taarifa ya mradi wa ujenzi wa choo hicho na kukabidhi msaada wa viti 30 na magodoro 60 kwa ajili ya malazi ya wazee hao vyenye thamani ya zaidi ya shilingi milioni 20 mratibu wa EASY FLEX Bi. Happyness Kihama amesema taasisi yake imeamua kuwajengea choo na kutoa msaada huo kutokana na kuguswa na matatizo yanayowakabili wazee hao kituoni hapo ikiwa pia ni kuwaepusha na magonjwa ya mlipuko kutokana na kujisaidia hovyo.
 
Akipokea msaada huo na jengo la choo chenye matundu manne kwa niaba ya mkuu wa mkoa wa shinyanga Bw. Ally Rufunga mstahiki meya wa manispaa ya shinyanga Bw. Gullam Hafidh pamoja na kuishukuru taasisi hiyo ameitaka jamii ya watanzania kuwa na mwamko wa kuanza kuwasaidia wazee na watu wenye mahitaji maalum badala ya kusubiri misaada kutoka kwa wahisani wa nje ya nchi hali ambayo imekuwa ikidhalilisha utu wa mtanzania. 
 
Kwa upande wao mlezi msaidizi wa kituo hicho Bi. Evodia Ndaka  na mwenyekiti wa makazi hayo simon maganga  wameiomba serikali kuzifanyia ukarabati mkubwa nyumba za makazi hayo ya wazee kutokana na majengo yake kuchakaa hali inayowafanya waishi kwa wasiwasi mkubwa na kwamba wamekuwa  wakilazimika kuzihama wakati wa mvua inaponyesha kutokana na kuvuja huku nyingi kati ya hizo tayari sehemu za kuta zake zimebomoka.

0
SERIKALI YAGEUKA MBOGO, SASA YAANZA KUWACHUNGUZA WAKIMBIZI WANAOTOKA BURUNDI

Waziri wa mambo ya ndani ya nchi Mh Mathias Chikawe amesema serikali itawafanyia uchunguzi waomba hifadhi wote waliokimbilia nchini kutoka nchini Burundi na wale watakaobainika kutokuwa na sababu za msingi au nia ovu za kukimbia watachaukuliwa hatua ikiwa ni pamoja na kurudishwa Burundi.

Waziri Chikawe ameeleza hayo baada ya kupokea taarifa ya ujio wa wakimbizi na kutembelea kambi ya muda katika uwanja wa lake Tanganyika mjini Kigoma, ambapo amesema serikali inafuatilia kwa karibu changamoto zilizojitokeza kufuatia ujio wa wakimbizi, ambapo katibu tawala wa mkoa wa Kigoma mhandisi John Ndunguru ameeleza kuwa kijiji cha Kagunga sasa kiko huru baada ya wakimbizi wote kusafirishwa lakini kinakabiliwa na tatizo la njaa, uharibifu wa mazingira, ugonjwa wa kipindupindu na uharibifu wa  miundombinu.
 
Kwa upande wake mratibu mkazi umoja wa mataifa nchini Alvaro Rodriguez ameishukuru serikali ya Tanzania kwa kukubali kuwapokea raia hao wa Burundi ambao wamekimbia machafuko katika nchi yao na kwamba jumuia ya kimataifa kwa kushirikiana na mashirika yanayotoa huduma kwa wakimbizi itaendelea kusaidia ili kuhakikisha wakimbizi na jamii ya watanzania inakuwa salama.

0
PROF. MARK MWANDOSYA KUCHUKUA FOMU YA KUGOMBEA URAIS JUNI 3


WAZIRI wa Nchi Ofisi ya Rais, (Kazi Maalum), Profesa Mark Mwandosya, anatarajia kuchukua fomu kuwania urais Juni tatu mwaka huu.
 
Mwandosya ambaye tayari ametangaza kuacha kuwani ubunge katika Jimbo la Rungwe Mashariki, anakusudia kutangaza nia yake ya kusaka safari ya kuelekea Ikulu, Juni Mosi, mwaka huu.
 
Akizungumza na Mtandao huu jana nje ya viwanja vya Bunge, Profesa Mwandosya alisema sababu zilizomsukuma kuwania urais, atazitaja Juni Mosi atakapotangaza nia mkoani Mbeya.
 
” Sababu za kutaka kuwania urais na nini nitawafanyia Watanzania, nikiingia madarakani nitaeleza siku ya kutangaza nia Juni Mosi,”alisema Profesa Mwandosya.
 
Waziri Mwandosya ni mmoja kati ya makada wa Chama cha Mapinduzi (CCM) ambao kwa muda mrefu wameonesha nia ya kutaka kumrithi Rais Jakaya Kikwete anayemaliza muda wake.
 
Ikumbukwe kuwa Waziri Mwandosya alipata kuwania urais mwaka 2005 na aliingia kwenye kundi la tatu bora miongoni mwa wagombea 11 waliowania nafasi hiyo.
 
Walioingia tatu bora mbali ya Profesa Mwandosya ni pamoja na Dk. Salim Ahamed Salim na Rais Jakaya Kikwete ambaye aliibuka mshindi.
 
Mwandosya amewahi kuwa waziri katika wizara mbalimbali katika Serikali za awamu tofauti tofauti.
 
Hatua hiyo ya kutangaza nia imekuja baada ya Chama Cha Mapinduzi (CCM), kutangaza ratiba ya wagombea wa nafasi mbalimbali ndani ya chama hicho kuanza kuchukua na kurejesha fomu.
 
Kwa mujibu wa ratiba hiyo, wagombea wa nafasi ya urais muda wa kuchukua fomu ni Juni 3 hadi Julai 2, muda ambao utatumiwa sambamba na kazi ya kutafuta wadhamini mikoani

0
TEMBO WAFUNGA BARABARA KUMSAIDIA MWENZAO ALIYEDONDOKA

Tembo wakiwa wamemzunguka mwenzao kumpatia msaada.
SUALA la umoja si kwa wanadamu pekee bali hata wanyama kama tembo nao wanao umoja miongoni mwao.
Katika tukio lililonaswa kwenye video huko nchini Afrika Kusini na kuwekwa kwenye mtandao wa Youtube linawaonyesha tembo walioamua kufunga barabara na kusababisha foleni ya magari ili wamuokoe mwenzao aliyedondoka katikati ya barabara hiyo.
Tembo huyo akiwa chini baada ya kudondoka.

Tembo huyo mdogo alidondoka wakati akitembea barabarani kwenye Hifadhi ya Taifa ya Kruger iliyopo Afrika Kusini.
Baada ya tukio hilo tembo wakubwa walikuja na kufunga barabara ili kumpatia msaada mwenzao huyo.
Tembo huyo akijaribu kuinuka kwa msaada wa wenzake.
Baada ya kuangaika kwa muda, tembo huyo mdogo alifanikiwa kusimama kwa msaada wa wenzake na kuendelea na safari ambapo wenzake nao waliamua kutoka barabarani na kuwafanya madereva wa magari kuendelea na safari zao.
...Hatimaye tembo huyo akafanikiwa kuinuka.
...Akitokomea na wenzake.

0
KIKWETE;VIJANA HAMUWEZI KUGEUKA KUWA MAKUWADI,VIJANA HAMUWEZI KUGEUKA MAWAKALA WA KUHONGA VIJANA WENZENU.!