Saturday, January 31, 2015

0
MEYA MANISPAA MOROGORO, WAANDISHI WA HABARI WAPATA AJALI, HABARI KAMILI NA PICHA ZIPO HAPA


Na John Nditi ,Morogoro

MEYA wa Halmashauri ya Manispaa Morogoro , Amir Nondo (45), dereva  na waandishi  wa habari wawili wamepata ajali   baada ya  gari walilokuwa wakisafiria kugongwa na basi la abiria lenye namba za usajili T 831 CEH, aina ya Scania mali ya kampuni ya Happy Africa na kujeruhiwa  sehemu mbalimbali za miili yao na kulazwa  Hospitali ya Rufaa ya Mkoa wa Morogoro.

Tukio hilo lilitokea Januari 30, mwaka huu majira ya saa 9: 30 alasiri , eneo la Msamvu Mzambarauni darajani katika barabara kuu ya Morogoro- Dar es Salaam, ambapo basi hilo lilikuwa likotokea mkoani Njombe.

Majina ya watu hao wengine waliojeruhiwa na kulaza katika wodi za daraja la kwanza katika hospitali ya rufaa ya mkoa , ni dereva wa gari la Meya, Mwambala Ally (55) , na waandishi wa habari ambao ni wapigapicha vituo vya televisheni , Anitha Chali (30) pamoja na Hussein Nuha (28).

Mstahiki meya huyo  aliyekuwa kwenye gari ya Halmashauri ya Manispaa hiyo  yenye namba za usajili SM 4151, ikiendeshwa na Mwambala  ambamo pia walikuwemo waandishi wa habari hayo na alikuwa katika msafara wa ziara ya kikazi ya mkuu wa mkoa huo,Dk Rajab Rutengwe.

Meya Nondo akizungumzia  ajali hiyo, akiwa wodini akipatiwa matibabu  ,sambamba na majeruhi wengine alisema baada ya kufika eneo la Mizambarauni, Darajani, lilichomoka pembeni basi la abiria ililokuwa likitokea Njombe kuelekea  Dar es  salaam, na kuligonga kwa mbele gari alilokuwemo.

Mashuhuda wa ajali hiyo  waliwaambia waandishi wa habari wakiwa eneo la tukio,  kuwa  chanzo cha ajali hiyo ni basi la abiria mali ya kampuni ya Happy Africa, kuingilia msafara huo wa mkuu wa mkoa uliokuwa ukielea mjini baada ya kukagua shughuli za ujenzi wa vyumba vya maabara na kuzungumza na wananchi wa Kata ya Bigwa katika  Shule ya Sekondari Sumaye.

Mkuu wa mkoa kwa takribani wiki mbili amekuwa katika ziara katik halmashauri saba za mkoa huo kwa ajili ya kukagua shughuli za ujenzi na umaliziaji wa maabara tatu kwa kila shule ya skondari ya Kata na pia kutumia fursa hiyo kujitambulisha , kusikiliza kero na kuzipatia majawabu ya msingi.

Januari 29 na 30 mwaka huu ilikuwa ni zamu ya Halmashauri ya Manispaa ya Morogoro na Shule ya sekondari Sumaye kilikuwa ni kituo chake cha mwisho katika ziara hiyo na baadaye kufanyika kwa majumuisho ya ziara hiyo Januari 31, mwaka huu mjini Morogoro.

Hata hivyo baada ya kufikishwa hospitali ya rufaa ya mkoa , viongozi mbalimbali walifika kuwajulia hali  wakati wakiendelea kupatia matubabu na madaktari mbingwa wa hospitali hiyo, akiwemo Mganga mkuu wa mkoa , Godfrey Mtei.

Mstahiki Meya Nondo ameumia sehemu ya kichani na mkononi , wakati na mpiga picha Anita Chali, ameumia  kichwani, huku dereva pamoja na  Hussein wakiumia zaidi  kwenye paji la uso na kichwani huku Hussein akisaidiwa na mashine ya kupumulia (oxygen).

 Kufuatia tukio hilo Ofisi ya Kamanda wa Polisi wa mkoa imesema itatoa taarifa ya ajali hiyo  jumamosi ya  Januari  31, mwaka huu.
Mkuu wa mkoa wa Morogoro, Dk Rajab Rutengwe ( wa kwanza kushoto) akiwa na Mkuu wa wilaya ya Morogoro , Said Amanzi , wakipita eneo ambalo gari la namba SM 4151 Nissan iliyokuwa ikitumiwa na Meya wa Manispaa ya Morogoro, Amir Nondo , ilipogongwa Januari 30, mwaka huu saa 9: 30 alasiri eneo la Mzambarauni Darajani -Msamvu barabara kuu ya Moro- Dar na Basi la Abiria aina ya Scania yenye namba za usajili T 831 CEH (Happy Africa ),iliyokuwa ikitokea mkoani Njombe kwenda Dar es Salaam .Meya huyo na watu wengine watatu walijeruhiwa na kukimbizwa Hospitali ya Rufaa ya Mkoa wa Morogoro na kulazwa wakindelea kupatiwa matibabu.
Gari la Meya likiwa halitamaniki.
Wasamalia wakimuwahisha Hospital,Mmoja wa majeruhi mara baada ya kupata ajali eneo la Mzambarauni Darajani -Msamvu barabara kuu ya Moro- Dar na Basi la Abiria aina ya Scania yenye namba za usajili T 831 CEH (Happy Africa ),iliyokuwa ikitokea mkoani Njombe kwenda Dar es Salaam .
Hili ndilo basi lililogongana na Gari ya Meya wa Manispaa ya Morogoro, Amir Nondo.
Meya wa Manispaa ya Morogoro, Amir Nondo ,(45) akiwa amelazwa wodi namba tano ya daraja la kwanza katika Hospitali ya Rufaa ya Mkoa wa Morogoro baada ya kujeruhiwa kufuatia gari yake SM 4151 ilipogongwa Januari 30, mwaka huu saa 9: 30 alasiri eneo la Mzambarauni Darajani , Msamvu Barabara kuu ya Moro- Dar na Basi la Abiria aina ya Scania yenye namba za usajili T 831 CEH (Happy Africa ),iliyokuwa ikitokea mkoani Njombe kwenda Dar es Salaam ,mbali na Meya huyo na watu wengine watatu ,Dereva Mwambala Ally (55), na waandishi wa habari , Anita Chali (30) pamoja na HUSSEIN Nuha (28) pia walijeruhiwa na kulazwa katika hospitali hiyo kwa ajili ya kupatiwa matibabu. ( Picha na John Nditi).
Mwandishi wa habari,Anita Chali akiwa kwenye Hospitali ya Rufaa ya Mkoa wa Morogoro baada ya kujeruhiwa kufuatia gari waliyoipata,walipokuwa kwenye kazi na Meya wa Manispaa ya Morogoro, Amir Nondo.
Mkuu wa mkoa wa Morogoro, Dk Rajab Rutengwe akionesha eneo ambalo gari la namba SM 4151 Nissan iliyokuwa ikitumiwa na Meya wa Manispaa ya Morogoro, Amir Nondo , ilipogongwa Januari 30, mwaka huu saa 9: 30 alasiri eneo la Mzambarauni Darajani , Msamvu Barabara kuu ya Moro- Dar na Basi la Abiria aina ya Scania yenye namba za usajili T 831 CEH (Happy Africa ),iliyokuwa ikitokea mkoani Njombe kwenda Dar es Salaam .Meya huyo na watu wengine watatu walijeruhiwa na kupimbizwa Hospitali ya Rufaa ya Mkoa wa Morogoro na kulazwa wakindelea kupatiwa matibabu.

BONYEZA HAPA KWA HABARI KAMILI>>>

WEKA MAONI YAKO HAPA

0
Baba AJIUA Baada ya kuona picha za Uchi za Binti yake

Wazazi wamekua na nafasi kubwa sana katika malezi ya watoto wao hata wakati  wanapokuwa watu wazima lakini baba huyu kutokana na upendo kwa mwanaye aliamua kujiua baada ya kuona picha za mtoto wake alizopiga akiwa mtupu katika jarida la Playboy nchini Romania. 
 
Loredana Chivu aliamua kuweka picha hizo akiwa amepiga katika staili tofauti katika mitandao mbalimbali ya kijamii ambapo baba yake baada ya kuziona alimkana mwanaye huyo.

Kwa mujibu wa mtandao wa The Mirror, msichana huyo akisimulia kwa machungu baada ya kifo cha baba yake alisema hakutegemea kama ipo siku baba yake angekasirika kiasi cha kujitoa uhai.
BONYEZA HAPA KWA HABARI KAMILI>>>

WEKA MAONI YAKO HAPA

0
Mume wa Isha Mashauzi Afanyiwa Ukatili wa Kutisha Afrika Kusini.....Akatwakatwa sehemu za siri, ajeruhiwa vibaya mgongoni, tumboni na kwenye jicho

MFANYABIASHARA aliyefahamika kwa jina la Jumanne Tevez, mkazi wa Dar es Salaam, amefanyiwa unyama baada ya kudaiwa kukatwa uume wake na wenzake.
 
Habari za uhakika kutoka chanzo chetu cha habari zilisema kuwa Tevez, amelazwa katika hospitali moja nchini Afrika Kusini akipatiwa matibabu.

Chanzo chetu hicho ambacho kipo karibu na familia ya mfanyabiashara huyo, kilieleza kuwa taratibu zinafanywa ili mke wake pamoja na kaka yake waweze kusafiri kwa ajili ya kwenda kumchukua.
 
“Hizo taarifa ni za kweli kabisa na hivi ninavyokuambia mke wake na kaka yake wanatarajia kuondoka kesho ili wakamchukue. Amelazwa katika hospitali moja huko Afrika Kusini na hali yake si mbaya sana.
 
“Yule jamaa kama unavyojua alikuwa mtu wa dili wa muda mrefu, hivyo inawezekana alitofautina na wenzake ndio maana wakamfanyia kitu mbaya, si unajua hawa jama wa poda (dawa za kulevya), humalizana wenyewe tu,”  kilisema chanzo hicho .

Picha  tulizofanikiwa kuzipata, zilimuonyesha mfanyabiashara huyo akiwa amevuliwa nguo zote huku akiwa amefungwa kamba mikononi na miguuni.

Tevez, anadaiwa kufanyiwa unyama huo baada ya kuwadhulumu wafanyabiashara wenzake wanaojihusisha na biashara haramu ya dawa za kulevya.

Habari zinadai kuwa, mfanyabiashara huyo alifanyiwa unyama huo, Afrika Kusini baada ya kubainika kuficha dawa hizo.

Mfanyabiashara huyo anadaiwa kuficha mzigo aliopewa kutoka Afrika Kusini kuuleta Tanzania na kwamba baada ya kufika nchini, aliwaeleza wenzake kuwa mzigo huo umepotea.

Maelezo hayo yalionekana kuwaudhi waliompa mzigo huo, ndipo walipomuita Afrika Kusini, ambako baada ya kufika, waliamua kumfanyia unyama huo.

Picha mbalimbali zilizosambazwa kwenye mitandao ya kijamii, zinamuonyesha Tevez, akiwa na jeraha mgongoni, tumboni na jicho lake la mkono wa kushoto.

Mfanyabiashara huyo alijipatia umaarufu mkubwa jijini Dar es Salaam, baada ya kufunga ndoa na msanii maarufu wa muziki wa taarab, Isha Ramadhani ‘Mashauzi’ ama jike la Simba.
 

Katika nyimbo mbalimbali alizokuwa akiimba, Isha anasikika akimtaja mwenza wake huyo wa zamani waliyetengana.

Wizara ya Mambo ya Nje na Ushirikiano wa Kimataifa, imesema haijapata taarifa za kuteswa kwa mfanyabiashara huyo.

Mkuu wa Kitengo cha Mawasiliano Serikalini wa wizara hiyo, Mkumbwa Ally, amesema wizara haina taarifa hiyo na kwamba wataendelea kuzifuatilia kupitia ubalozi wa Tanzania nchini Afrika Kusini.
 
Mkuu wa Kitengo cha Kudhibiti Dawa za Kulevya cha Jeshi la Polisi, Godfrey Nzoa, hakuweza kupatikana kuzungumzia suala hilo kwani simu yake ya mkononi ilikuwa haipo hewani muda wote.
BONYEZA HAPA KWA HABARI KAMILI>>>

WEKA MAONI YAKO HAPA

0
" Natamani Kwenye Amri za Mungu Iongezwe ya 11 Isemayo 'USIWE CCM'.."....Hii ni kauli ya Lema Bungeni

Wabunge wameendelea kuchangia taarifa za Kamati za Hesabu za Serikali PAC na LAAC zinazoonesha ubadhilifu mkubwa wa fedha za umma. Hapa  chini nimekuwekea  michango  ya  baadhi  ya  Wabunge.
 
Lema: Haiwezekani kila siku tukija humu tunazungumzia wizi tu, inatakiwa tuzungumzie mipango ya maendeleo ya wananchi sio kila siku wizi wizi wizi unaosababishwa na CCM.
 
Lema: Kama ningeweza kupendekeza pia kwenye Amri Kumi za Mungu, ningependekeza iongezwe amri ya 11 inayosema 'USIWE CCM'
 
Lema: Katika mazingira kama haya, nathubutu kusema 'My Country is like a Getho' mambo hayaendeshwi kwa utaratibu kabisa
 
Esther Bulaya: "Yani watu wanagawana posho Bilion 9, na wanafunzi wanasoma kwa shida halafu mnataka tuwapigie makofi haiwezekani"
 
Esther Bulaya: "Hatuwezi kila siku tunakuja hapa majibu yaleyale kila siku wizi wizi wizi, haiwezekani, hawa watu washughulikiwe"
 
Lissu: "Kinachotufikisha hapa ni Rais kushindwa kutimiza wajibu wake wa kikatiba wa kuwawajibisha watendaji wake"
 
Lissu: "Tunachotakiwa kufanya hapa ni kuanza na hawa mawaziri tulionao humu ndani, tukubaliane kuwawajibisha"
BONYEZA HAPA KWA HABARI KAMILI>>>

WEKA MAONI YAKO HAPA

0
Wafuasi 29 wa CUF Waachiwa kwa dhamana


WAFUASI 29 kati ya 30 waliokuwa wanashikiliwa na Jeshi la Polisi jijini Dar es Salaam wameachiwa leo baada ya kutimiza masharti ya dhamana.
 
Wafuasi hao walikamatwa majuzi huko Mtoni Mtongani, Dar wakati Mwenyekiti wa Chama cha Wananchi (CUF), Prof. Ibrahim Lipumba akielekea Mbagala kuwataka wananchi watawanyike baada ya maandamano ya chama hicho kuzuiliwa na jeshi la polisi.
 
Wafuasi hao 29 wameachiwa katika Mahakama ya Hakimu Mkazi Kisutu, Dar baada ya kila mmoja wao kutimiza masharti ya dhamana kwa kutoa kiasi cha shilingi 100,000 pamoja na barua ya mdhamini mmoja ambaye hana hatia.
 
Mpaka mwandishi wetu anatoka eneo hilo la mahakama, mmoja wa watuhumiwa alikuwa bado mikononi mwa polisi kwa kutokamilisha taratibu za dhamana hiyo akiendelea kumsubiri mdhamini wake aliyechelewesha barua ya udhamini.
 
Hakimu aliyekuwa akisikiliza kesi hiyo amesema kesi yao itatajwa tena Februari 12, 2015
BONYEZA HAPA KWA HABARI KAMILI>>>

WEKA MAONI YAKO HAPA

0
Mkuu wa Mkoa wa Morogoro Anusurika Kufa

Msafara wa mkuu wa mkoa wa Morogoro Dr. Rajab Rudenge umepata ajali katka eneo la Msavu barabara ya Morogoro Iringa majira ya saa tisa alasiri.

Katika ajali hiyo Meya wa Manispaa ya Morogoro Amily Nondo na mwaandishi wa habari wa ITV wamejeruhiwa vibaya na wanaendelea na matibabu katika hosptali ya Rufaa ya mkoa wa Morogoro.

Wengine walio jeruhiwa katika ajali hii ni pamoja na Dereva wa Meya na mwandishi wa habari wa Tbc.
BONYEZA HAPA KWA HABARI KAMILI>>>

WEKA MAONI YAKO HAPA

0
Rais Mugabe Ateuliwa kuwa Mwenyekiti wa Umoja wa Afrika [AU]


Rais mkongwe wa Zimbabwe Robert Mugabe, ameteuliwa kuwa mwenyekiti wa Muungano wa Afrika AU akichukua nafasi ya Mohamed Ould Abdel Aziz wa Mauritania.
  
Mugabe mwenye umri wa miaka 90 ameteuliwa kwa kauli moja na Wajumbe katika mkutano wa AU unaoendelea kwa sasa mjini Addis Ababa-Ethiopia.
 
Imeelezwa kuwa uteuzi wa Mugabe kuongoza muungano huo mkubwa ulio na wanachama zaidi ya arobaini, huenda ukaleta doa ndani ya AU, kwa kuwa Mugabe hana uhusiano mzuri na mataifa ya Magharibi, hasa baada ya kukaa madarakani tangu Zimbabwe ilipojipatia uhuru mwaka 1980.
BONYEZA HAPA KWA HABARI KAMILI>>>

WEKA MAONI YAKO HAPA

Friday, January 30, 2015

0
MTU MMOJA ASIYEFAHAMIKA JINA WALA MAKAZI YAKE AUAWA KWA KUPIGWA NA WANANCHI WALIOAMUA KUJICHUKULIA SHERIA MKONONI KWA TUHUMA ZA WIZI.

TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 29.01.2015.

MTU MMOJA ASIYEFAHAMIKA JINA WALA MAKAZI YAKE AUAWA KWA KUPIGWA NA WANANCHI WALIOAMUA KUJICHUKULIA SHERIA MKONONI KWA TUHUMA ZA WIZI.


MTU MMOJA ASIYEFAHAMIKA JINA WALA MAKAZI YAKE, JINSI YA KIUME, UMRI KATI YA MIAKA 30-35, ALISHAMBULIWA KWA KUPIGWA SEHEMU MBALIMBALI ZA MWILI WAKE NA KUNDI LA WANANCHI WALIOAMUA KUJICHUKULIA SHERIA MKONONI KUTOKANA NA TUHUMA ZA WIZI.

TUKIO HILO LIMETOKEA MNAMO TAREHE 28.01.2015 MAJIRA YA SAA 16:17 JIONI HUKO ENEO LA MWANJELWA, KATA YA MANGA, TARAFA YA IYUNGA, JIJI NA MKOA WA MBEYA. INADAIWA KUWA CHANZO CHA TUKIO HILO NI TUHUMA ZA WIZI BAADA YA MAREHEMU KUTUHUMIWA KUHUSIKA KATIKA TUKIO LA UVUNJAJI LA TAREHE 26.01.2015. MWILI WA MAREHEMU UMEHIFADHIWA HOSPITALI YA RUFAA MBEYA.

KAIMU KAMANDA WA POLISI MKOA WA MBEYA KAMISHNA MSAIDIZI WA POLISI BARAKAEL N. MASAKI ANATOA WITO KWA WANANCHI KUACHA TABIA YA KUJICHUKULIA SHERIA MKONONI KWANI NI KINYUME CHA SHERIA NA BADALA YAKE WAJENGE TABIA YA KUWAFIKISHA WATUHUMIWA WANAOWAKAMATA KWA TUHUMA MBALIMBALI KWA HATUA ZAIDI ZA KISHERIA.

Imetolewa na:

[BARAKAEL N. MASAKI – ACP]
KAIMU KAMANDA WA POLISI MKOA WA MBEYA.
BONYEZA HAPA KWA HABARI KAMILI>>>

WEKA MAONI YAKO HAPA

0
Angalia picha za ajali ya moto uliounguza gari Ilala jijini Dar

Image00001
Jana jijini Dar kulikuwa na matukio ya nyumba moja maeneo ya Mwananyamala na Night Club moja eneo la Sinza Mori kuwaka moto.

Saa chache zilizopita katika Barabara ya Kawawa, Ilala Dar imetokea ajali nyingine ya moto, gari ndogo imewaka moto lakini hakuna mtu aliyeathirika kutokana na tukio hilo.

Mmiliki wa gari hilo Johns amesema alishtukia watu wakimuita kwamba gari yake inawaka moto kwa sehemu ya chini lakini hajajua kama moto huo kuna sehemu aliukanyaga au ni shoti iliyotoka kwenye gari hiyo.

Kikozi cha Askari wa zimamoto walifika na kuuzima moto huo lakini gari hilo lilikuwa tayari limetekea kwa moto.
Hizi ni picha za tukio hilo.
Image00001
Image00002
Image00003
.
Watu wakiwa wamelizunguka gari hilo baada ya kuwaka moto.
Image00005
BONYEZA HAPA KWA HABARI KAMILI>>>

WEKA MAONI YAKO HAPA

0
Nimekuwekea Video ya dakika 10 ya Kipigo kizito walichopewa Wanachama wa CUF

Hii  ni  Video  ya  kichapo  kizito  toka  kwa  polisi  walichopewa  wanachama  wa  CUF  wakati  wa maandamano  yalioyoongozwa  na  Mwenyekiti  wa  chama  hicho, Profesa  Ibrahim  Lipumba.
BONYEZA HAPA KWA HABARI KAMILI>>>

WEKA MAONI YAKO HAPA

0
MGANGA WA DIAMOND JELA MIAKA 7

Stori: Richard Bukos/Amani
Yule mganga aliyejitapa kumtengenezea nyota ya mvuto staa wa Bongo Fleva, Nasibu Abdul ‘Diamond Platnumz’, Ustadh Yahya amehukumiwa kifungo cha miaka saba (7) jela baada ya kukutwa na hatia katika kisa cha kuchanganya akihusishwa na wizi wa gari.

Ustadh Yahya akiwa chini ya ulinzi.
TUJIUNGE MAHAKAMA YA WILAYA YA ILALA
Habari za uhakika zilieleza kwamba aliyehitimisha kesi hiyo ni Hakimu Mkazi Mwandamizi wa Mahakama ya Wilaya ya Ilala jijini Dar, Hassan Kisailo mapema Jumatatu wiki hii wakati jua la asubuhi likiwaka.

HAKIMU ASHUSHA MIWANI
Huku kijasho chembamba kikimtiririka huku akishusha miwani kidogo kuona wahudhuriaji wa kesi hiyo, Hakimu Kisailo alitoa hukumu hiyo kwa maelezo kwamba, mnamo Januari 20, mwaka jana, maeneo ya Kariakoo jijini Dar, Yahya alidaiwa kuiba gari aina ya Toyota RAV4 lenye namba za usajili T 139 BSJ likiwa na thamani ya Sh. milioni 12, mali ya Edrick Elieza.

Wakati Hakimu Kisailo akisoma hukumu hiyo, mshtakiwa na wadhamini wake hawakuwepo mahakamani hapo hivyo alisema mara tu baada ya hukumu wahusika hao watakamatwa ili wakatumikie adhabu inayowakabili.
MAPITIO MTIRIRIKO WA KESI
Huku akiangalia kulia na kushoto, Hakimu Kisailo alisema kuwa, baada ya kuupitia mtiririko wa kesi hiyo, alibaini kwamba ni kweli mshtakiwa huyo alitenda kosa hilo hivyo alimhukumu kwenda jela miaka 7.

...Ustadh Yahya akilaumu yambo.
BOFYA HAPA KUMSIKIA HAKIMU
Kama ilivyo desturi ya Magazeti ya Global kutaka kujua vitu kwa undani, mwanahabari wetu alizungumza hakimu huyo kuhusiana na hukumu hiyo ambapo alishusha tena miwani kidogo kisha kumwangalia kwa juu na kusema:

“Ni kweli huyo mnayemuita sijui Mganga wa Diamond nimemhukumu kwenda jela miaka 7, ingawa hakuwepo hapa mahakamani.
“Nasikia alitoroka tangu alipowekewa dhamana lakini kifungo hicho kitaanza muda wowote atakapokamatwa.”

WADHAMINI NAO WANALO
Hakimu Kisailo alisema kwamba, Ustadh Yahya aliwekewa dhamana na watu wawili, Moses Msangi na Seme Kisusandi ambao wanatakiwa kulipa faini ya shilingi milioni moja kila mmoja au kwenda jela miezi sita wakati sangoma huyo akisakwa.

Hakimu Kisailo alisema licha ya jamaa huyo kuingia mitini, wadhamini wake nao hawakuwepo mahakamani hapo na kusema kuwa mkono wa sheria ni mrefu utawafikia popote pale walipo.
MANENO KUNTU
Mmoja wa mashuhuda wa kike aliyekuwa kwenye chumba cha hakimu huyo alisikika akisema: “Huyo mganga wa Diamond hana lolote, iweje ashindwe kuzima kesi yake na kufikia hatua ya kuhukumiwa kifungo hicho wakati huwa anajidai ni mkali kwenye mambo ya kuwatengenezea watu nyota?
“Unaweza kukuta huko mitaani anajifanya kuwaambia wateja wake ana uwezo wa kuzima ‘makesi’ makubwa-makubwa kumbe hata kesi yake mwenyewe inamshinda.”

Staa wa Bongo Fleva, Nasibu Abdul ‘Diamond Platnumz’.
DIAMOND ATUPIWA LAWAMA
Shuhuda huyo alikwenda mbele zaidi na kumtupia lawama Diamond kwamba alishindwaje kumsaidia mtu aliyempaisha hadi sasa hivi anawiki kimataifa?

DIAMOND ANASEMAJE
Amani lilimsaka Diamond ili kumfikishia ‘ubuyu’ kuwa mganga wake amehukumiwa miaka sasa jela lakini simu yake ya kiganjani iliita bila kupokelewa na hata alipofuatwa nyumbani kwake, Sinza-Mori, Dar, hakuwepo.

TUMEFIKAJE HAPA?
Ustadh huyo alidaiwa kukamatwa na gari hilo alilodai kufika mikononi mwake kutoka kwa mwanamke aliyetajwa kwa jina moja la Mwanahamis. Ustadh alikamatwa  akikatiza nalo Tabora mjini ndipo akawekwa nyuma ya nondo za mahabusu kabla ya kusafirishwa jijini Dar kwa hatua zaidi za kisheria ambazo zimemhukumu kifungo hicho.
BONYEZA HAPA KWA HABARI KAMILI>>>

WEKA MAONI YAKO HAPA

0
Kiongozi wa wafanya biashara aachiwa na mahakama huko Dodoma

SIKU moja baada ya kuachiwa kwa dhamana, kutokana na kesi inayomkabili ya kudaiwa kuwachochea wafanyabiashara wasilipe kodi ya Serikali, Mwenyekiti wa Jumuiya ya Wafanyabiashara Nchini, Johnson Minja (34), amewataka wafanyabiashara kufungua maduka yao na kuendelea na biashara.

Pia, amewataka kuendelea kushirikiana na Mamlaka ya Mapato nchini (TRA) kuhakikisha wanatimiza wajibu wao. Alitoa kauli hiyo juzi wakati akiachiwa kwa dhamana na Mahakama ya Hakimu Mkazi Dodoma Mjini.

Alisema yeye hataki kuzungumzia tuhuma zinazomkabili kwa kuwa zipo mahakamani. Hata hivyo, alisema kwamba yeye hajawahi kuchochea wafanyabiashara kuacha kulipa kodi na mara zote amekuwa akiwahimiza kulipa kodi, kwani ni wajibu wao.

“Mimi ninao utetezi…na serikali inao ushahidi ukweli utajulikana mahakamani.. siwezi kuongelea hayo,” alisema alipokuwa Lakini, alisema ni vyema wafanyabiashara wasitishe mgomo na kutoa ushirikiano kwa serikali wakati mazungumzo ya kawaida kati ya wafanyabiashara na serikali kuhusu matatizo yanayokwamisha ulipaji kodi yakiendelea.

Aidha, aliitaka TRA kushirikiana na wafanyabiashara ili kuondoa vikwazo, vinavyokwamisha ulipaji kodi wenye tija kwa serikali na kwa wafanyabiashara.

Juzi wafanyabiashara wengi katika mikoa mbalimbali nchini ikiwamo Dar es Salaam, Mwanza, Tanga, Iringa na Dodoma walifunga maduka wakitaka kujua hatima ya Mwenyekiti wao, huku wakilalamikia mashine za kodi za kielektroniki.

Katika kesi iliyopo mbele ya Hakimu Mkazi Rebecca Minja, mtu huyo anadaiwa kuwa Septemba 6, mwaka jana katika Chuo cha Mipango Dodoma, akiwa kama Mwenyekiti wa Jumuiya ya Wafanyabiashara Tanzania aliwashawishi Jumuiya ya Wafanyabiashara wa Dodoma wasilipe kodi.

Katika shitaka la pili, ilidaiwa kuwa Septemba 6, mwaka jana katika Chuo Cha Mipango mshtakiwa aliwapa maelekezo wafanyabiashara wa Dodoma, wasitumie mashine za kodi za kielektroniki (EFD) za Mamlaka ya Mapato Tanzania (TRA), ambazo zilitengenewa kwa ajili ya kuwezesha kukusanywa kwa kodi. Mshitakiwa alikana mashtaka hayo.

Alisomewa mashtaka hayo na Wakili wa Serikali, Godfrey Wambali. Na katika hatua nyingine, wenye maduka mkoani hapa wameyafungua, ingawa walisema kwamba bado hawapendezwi na mashine hizo, ambazo hazijali mtu akirudisha kifaa kilichonunuliwa.
Walisema mashine hizo, zina matatizo mengi yanayotia hasara wafanyabiashara na kwamba serikali inastahili kuwasikiliza na wao pia.
Wakati huo huo, Frank Leonard kutoka Iringa anaripopti kuwa wafanyabiashara wa maduka wa wilaya za mkoa wa Iringa, wameitaka serikali kusikiliza na kuyafanyia kazi madai yao ili kuondokana na mivutano ya mara kwa mara inayodhoofisha huduma kwa wananchi.
Juzi asubuhi walifunga maduka yao, wakilenga kuvishinikiza vyombo vya dola kumuachia Mwenyekiti wao wa Taifa, Johnson Minja
aliyekamatwa Dar na kisha kupandishwa kortini Dodoma.
Lakini, baada ya Minja kuachiwa huru, baadaye juzi jioni, wafanyabiashara hao walitoa tangazo kwa wenzao wote kuendelea na biashara zao kama kawaida.

Akihojiwa, Katibu wa wafanyabiashara hao wa mkoa wa Iringa, Jackson Kalole alisema tuhuma zinazotolewa dhidi ya mwenyekiti

wao wa taifa ni za uzushi. Alisema pamoja na kulipa kodi, wafanyabiashara wanayo malalamiko yao, yanayotaka mfumo wa ulipaji kodi ubadilishwe.

“Tunataka kodi ilipwe kwenye faida, isikatwe kutoka kwenye mtaji na hilo ndio moja ya malalamiko yetu makubwa. Lakini
tunataka pia kodi zote zinazoanzishwa na serikali, halmashauri zisianze kutoza kabla ya kupata maoni kutoka kwa wadau,” alisema.
Alisema wafanyabiashara wamekuwa wakigoma mara kwa mara kwa sababu serikali imeacha mianya mikubwa, inayowapotezea mapato na kufukuzana na wafanyabiashara ndogo.
BONYEZA HAPA KWA HABARI KAMILI>>>

WEKA MAONI YAKO HAPA

0
Waziri mkuu Pinda aahidi kumshughulikia Katibu Tarafa Kariakoo Dar

Waziri Mkuu, Mizengo Pinda 
WAZIRI Mkuu, Mizengo Pinda ameagiza watendaji katika Manispaa na Jiji waliohusika kunyang’anya mali za wafanyabiashara mbalimbali kwa kisingizio cha kusafisha jiji na kugawana badala ya kupeleka kunakoruhusiwa kuchukuliwa hatua huku akiahidi kumshughulikia Katibu Tarafa wa Kariakoo, jijini Dar es Salaam.

Aidha, amewataka wakuu wa mikoa na wilaya kukaa na wafanyabiashara na kuangalia njia nzuri ya kufanya biashara ili kuondoa vurugu baina yao na vijana.

Pinda aliyasema hayo jana wakati wa kipindi cha maswali ya papo kwa hapo kwa Waziri Mkuu alipojibu swali la Mbunge wa Ilala, Iddi Zungu (CCM) aliyetaka kujua kauli ya Serikali kuhusu wanamgambo wanaotumia nafasi ya kusafisha jiji kuwanyanyasa wafanyabiashara na kugawana mali zao huku tatizo kubwa likiwa kwa Katibu Tarafa wa Kariakoo.

Amesema yeye binafsi alitumiwa picha ya watendaji hao wakigawana mali walizowanyang’anya wafanyabiashara wakiwamo mama lishe, jambo ambalo ni kuwanyanyasa na kuwarudisha nyuma kimaendeleo.

Waziri Mkuu alikemea kitendo cha watendaji wa jiji na mikoa kutumia kusafisha jiji kunyanyasa wananchi.

Hivyo aliagiza wakuu wa wilaya na mikoa kukaa na wafanyabiashara ndogo na kupanga jinsi ya kuendesha biashara kistaarabu ikiwa ni pamoja na kupanga masoko ya jioni na Jumapili ili wafanye biashara muda mfupi na kuondoka.
BONYEZA HAPA KWA HABARI KAMILI>>>

WEKA MAONI YAKO HAPA

0
CUF yaapa kuendelea na maandamano kila mwaka


Chama cha Wananchi (CUF) kimesema, hakitarudi nyuma na kitaendelea kufanya maandamano na mikutano ya hadhara kila Januari 26 na 27 kila mwaka kuazimisha mauaji ya wanachama wake yaliyotokea Zanzibar mwaka 2001. 
 
Katika maadhimisho yaliyofanyika mwaka huu, Mwenyekiti wa CUF, Profesa Ibrahim Lipumba na wanachama 32 wa chama hicho walipigwa kisha kushikiriwa na Jeshi la Polisi kwa madai ya kuendesha maandamano yasiyokuwa na kibali.
 
Kutokana na kosa hilo, jana Profesa Lipumba alipandishwa katika Mahakama ya Hakimu Mkazi Kisutu jijini Dar na kusomewa shitaka la kuhamasisha wafuasi wa chama hicho kutenda kosa la jinai.
 
Akizungumza na waandishi wa habari jijini hapa leo, Makamu Mwenyekiti wa CUF Taifa, Juma Duni Haji alisema hakuna ubaya wowote kuwaenzi na kuwakumbuka wapendwa wao kwa kufanya mikutano na maandamano.
 
“Jeshi la Polisi linatakiwa kutambua ya kwamba kila Januari 26 na 27 tutaendelea kufanya mikutano na maandamano, kama hawataki kuelewa hilo wakae mkao wa mapambano na wananchi kila mwaka.
 
 “Nadhani maadhimisho ya Januari 26 na 27 mwaka 2016 yatakuwa makubwa zaidi kulingana na Jeshi la Polisi litakavyokabiliana nayo,” alisema Haji
 
Aliongeza: “Jeshi la Polisi limekosa maadili halifai, linahitaji marekebisho makubwa na tunamtaka Rais (Jakaya Kikwete) kuwawajibisha wahusika wote wa tukio hili-viongozi wa Jeshi la Polisi.”
 
Haji alisema, “Tunalaani kupigwa kwa viongozi na wafuasi wa Chama chetu na Jeshi la Polisi na tunalitaka kutekeleza majukumu yake kwa kutumia weledi na kuacha ushabiki na kutumiwa kisiasa kwa visingizio vya kiitelinjensia.”
 
Kuhusu afya ya Profesa Lipumba, Mkurugenzi wa Fedha wa CUF, Joran Bashange alisema, “Profesa Lipumba Manaendelea vizuri na kwa ushauri wa daktari amemwambia apumzike kwa siku tatu bila kufanya kazi ya aina yoyote.”
 
Aliongeza: “Mwenyekiti (Lipumba) hana maradhi ya shinikizo la damu lakini kutokana na kadhia hiyo ndiyo iliyosababisha yeye kupata shinikizo hilo kwani alipokamatwa alitumia saa 6 kuhojiwa na polisi waliokuwa wakibadilishana mahojiano yaliyofikia hatamu saa 6 usiku.”
BONYEZA HAPA KWA HABARI KAMILI>>>

WEKA MAONI YAKO HAPA

0
Msimamo wa Serikali: CUF inatafuta Umaarufu wa Kisiasa, Walikaidi Amri na ndo maana Wakapigwa



TUME ya Haki za Binadamu na Utawala Bora inachunguza tukio la kupigwa kwa viongozi na wafuasi wa Chama cha Wananchi (CUF) katika tukio la jijini Dar es Salaam juzi, kubaini kama kulikuwa na matumizi ya nguvu ya ziada ya polisi dhidi ya raia.

Hayo yalielezwa jana na Waziri wa Mambo ya Ndani ya Nchi, Mathias Chikawe ambaye alisema pia ameagiza Idara ya Malalamiko ndani ya Wizara kufanya uchunguzi kuhusu matumizi ya nguvu za ziada, zichukuliwe hatua kwa watakaobainika kuhusika.

Waziri alikuwa akitoa taarifa bungeni, kabla ya wabunge kujadili hoja iliyowasilishwa juzi na Mbunge wa Kuteuliwa, James Mbatia akitaka ijadiliwe kuhusu kupigwa kwa wanachama wa CUF na matumizi ya nguvu ya ziada yaliyofanywa na polisi katika tukio hilo la wilayani Temeke, Dar es Salaam.
“Malalamiko haya ni mazito, na Serikali haiwezi kufumbia macho… pamoja na uchunguzi unaofanywa na Tume ya Haki za Binadamu na Utawala Bora, nimeagiza Idara ya Malalamiko ndani ya Wizara ifanye uchunguzi kuhusu matumizi ya nguvu za ziada na ikithibitika kwamba kuna polisi walitumia nguvu nyingi zaidi dhidi ya raia, basi tutachukua hatua mwafaka dhidi ya wahusika wote. Na hii ni ahadi,” alisema Chikawe.
Alisema Jeshi la Polisi halipaswi kutumia nguvu kuliko zinazohitajika katika kukamata wahalifu wa makosa ya jinai.
“Serikali inaomba radhi kwa wananchi wote waliokumbana na kadhia hii bila wao kujihusisha na kuwasihi wananchi kujiweka mbali na matukio yote ya uvunjifu wa sheria,” alisisitiza.
Alisema Serikali inaendelea kuahidi kuliongoza jeshi kwa kuzingatia sheria na maudhui yake sanjari na kukabili changamoto kuhakikisha kunakuwa na usalama na utulivu nchi nzima.
Hata hivyo, alisema Polisi haitaogopa wala kumwonea haya mtu yeyote bali itaendelea kutekeleza wajibu kwa kuzingatia haki za binadamu.
Kuzuiwa maandamano
Waziri Chikawe alieleza Bunge sababu za chama hicho cha siasa kuzuiwa kufanya maandamano na kusema ni baada ya Jeshi la Polisi kuona kwamba yanaweza kusababisha kuvunjika amani na kuathiri usalama wa taifa.
Kwa mujibu wa Waziri, Januari 26 mwaka huu Jeshi lilipokea barua kutoka CUF, ikitoa taarifa kuhusu kufanyika maandamano na mkutano wa hadhara Januari 27 kuadhimisha kumbukumbu ya mauaji ya wafuasi wao yaliyotokea mwaka 2001.
Alisema baada ya Polisi Kanda Maalumu ya Dar es Salaam kupokea barua, iliwaita viongozi wa CUF kwa mazungumzo na kuwafahamisha matatizo yanayoweza kutokea.
Chikawe alisema matukio ya ugaidi hususani ulipuaji mabomu katika mikusanyiko kuwa ni miongoni mwa mambo ambayo yalihofiwa kwamba yanaweza kutokea kupitia maandamano hayo.
Alisema Polisi baada ya kupokea barua ya CUF, ilikutana na viongozi wao, ikawaeleza kwamba kufanya maandamano hayo yanayolenga kuadhimisha mauaji, pia kunaweza kusababisha chuki.
Pia ilielezwa kwamba taarifa za polisi zilionesha kunaweza kufanyika vurugu. Waziri Chikawe alieleza Bunge kwamba, kesho yake Polisi ilipata taarifa kuhusu kuwapo kwa mkusanyiko mkubwa wa watu kwenye ofisi za CUF wilaya ya Temeke.
Alisema Kaimu Kamanda, Sebastian Zakaria alikwenda na kukuta wanachama wapatao 200 wakiwa na mabango yenye maandishi mbalimbali ikiwemo, ‘Polisi na wanajeshi acheni kutumika na CCM,’; ‘tunaadhimisha kumbukumbu ya kuuawa kwa wenzetu, polisi acheni kutunyanyasa na kutumikia CCM kama vibaraka.’
Alisema Profesa Lipumba aliwasili katika ofisi hizo na alionekana kukaidi zuio na kuhamasisha wanachama kufanya maandamano kuelekea Mbagala Zakhem.
Kaimu Kamanda huyo baada ya kuona yakiendelea kinyume na zuio, alitangaza ilani ya kutawanyika, lakini waandamanaji walikaidi. “Ndipo akaamuru waandamanaji wakamatwe. Polisi wakatumia mabomu,” alisema Waziri.
Waziri alisisitiza kwamba polisi wanayo mamlaka kuzuia mkutano au maandamano, wakiridhika kwamba yanaweza kusababisha uvunjifu wa amani. Alisema sheria inaruhusu mtu asiyeridhika na masharti na amri iliyotolewa, kukata rufaa kwa waziri, jambo ambalo viongozi wa CUF hawakufanya.
Mwanasheria Mkuu akwama
Mwanasheria Mkuu wa Serikali (AG), George Masaju aligonga mwamba bungeni kuzuia mjadala huo kuhusu vurugu baada ya ushauri wake kutozingatiwa na badala yake, Spika Anne Makinda kuuruhusu.
Baada ya Waziri Chikawe kuwasilisha taarifa yake, Masaju alishauri Bunge lisijadili suala hilo kwa kuwa liko mahakamani. Lakini, Spika Anne Makinda alisema alipoamua mjadala ufanyike jana, hakulenga kwamba Serikali iende mahakamani.
Alisema sababu ya kusubiri suala hilo lijadiliwe jana, kwa kuwa watu walikuwa hawafahamu kinachoendelea. Aliruhusu mjadala kwa kutoa dakika tatu kwa kila mchangiaji, jambo ambalo pia lilipingwa na hivyo kulazimu atoe dakika 10.
Akihitimisha mjadala wa hoja aliyoiwasilisha bungeni juzi, Mbatia alishauri kuwepo tume ya kusimamia serikali vizuri kwa mujibu wa Katiba ili kuona namna ya kufanyia marekebisho sheria kadhaa, kusaidia Jeshi la Polisi na Serikali kwa ujumla.
Mbatia alisema Bunge linahitaji kuangalia upya sheria ya vyama vya siasa, Sheria ya Haki na Kinga za Bunge Namba 3 ya 1988 na sheria ya Polisi.
“Na wote kwa pamoja tuombe Bunge lako aidha liwe na tume, ya kuisimamia serikali vizuri kwa mujibu wa Katiba ili kuweza kuona ni namna gani sheria hizi zifanyiwe marekebisho haraka ili uchaguzi mkuu ujao uwe na amani na utulivu na tulisaidie Jeshi la Polisi, tuisaidie serikali na nchi kwa pamoja,” alisema Mbatia.
Aliongeza kuwa, vipo vitendo vya kihuni ndani ya Jeshi la Polisi jambo ambalo alitaka Mkuu wa Jeshi la Polisi, Inspekta Jenerali (IGP), Ernest Mangu arejee kwa Saidi Mwema aliyestaafu wadhifa huo kushauriwa.
Mbunge huyo alimpongeza Spika Anne Makinda kwa busara zake za kuruhusu mjadala huo na kuonya wabunge kuacha kuingiza siasa katika suala hilo, kwani wakianza kurushiana maneno, hawatakuwa wanajenga taifa.
Awali katika mjadala, wakati baadhi ya wabunge walilenga kujadili suala hilo kwa misingi ya vyama vyao, Mbunge wa Mkanyageni, Mohamed Habib Mnyaa (CUF) alionya kulichukulia kivyama.
“Ushauri wangu kwa Bunge, kwa heshima na taadhima suala hili hata kama ni kweli kwamba CCM inasaidiwa, jambo hili tusilichukulie kivyama. Najua wabunge wengine wa CCM wameshaumizwa na Jeshi hili la Polisi,” alisema Mnyaa.
Alishutumu kwamba mbali ya kutumia nguvu, polisi ilitumia silaha zisizowajibika kutumiwa na jeshi, ikiwemo matumizi ya spana ya kutolea tairi kupiga watu vichwani.
Mbunge wa Singida Mashariki, Tundu Lissu (Chadema) alishutumu Jeshi la Polisi akisema wapinzani wanapigwa na polisi, si kwa sababu wana makosa, bali wapo mafashisti ndani ya jeshi hilo na serikalini.
Alisema viongozi wote wa vyama vya siasa, hakuna asiyekuwa na majeraha ya Jeshi la Polisi na hakuna ambaye hajawahi kukamatwa na kunyanyaswa.
“Tuunde tume au kamati teule kuchunguza mauaji yote, polisi kujeruhi kupiga watu ili tupate ufumbuzi wa kudumu wa hili suala,” alisema Lissu.
Kwa upande wake, Mbunge wa Muhambwe, Felix Mkosamali (NCCR-Mageuzi) alisema kinachoendelea katika jeshi hilo, kimekwishafanyiwa uchambuzi na Jumuiya ya Madola kwamba lina mifumo ya kikoloni, ambayo lengo lake ilikuwa ni kuhakikisha wakoloni wanabaki madarakani na Waafrika hawaingii madarakani.
BONYEZA HAPA KWA HABARI KAMILI>>>

WEKA MAONI YAKO HAPA